افشاں کالونی تین روز قبل ڈکیتی کے دوران برطانیہ سے آنے والے شہری کے قتل کے مقدمہ میں راولپنڈی پولیس کی اہم کارروائی

راولپنڈی(شیخ عاصم) تین روز قبل ڈکیتی کے دوران برطانیہ سے آنے والے شہری کے قتل کے مقدمہ میں راولپنڈی پولیس کی اہم کارروائی

واقعہ میں ملوث بین الصوبائی گینگ کے ملزمان کی رات گئے ریس کورس کے علاقہ میں پولیس پارٹی پر فائرنگ، فائرنگ کے دوران چار ڈکیت ہلاک، ہلاک ڈاکؤوں کی شناخت ساجد عرف گٹو، حسن، محمد علی عرف ببیو اور وسیم کے نام سے ہوئی، پولیس نے موٹر سائیکل سوار ڈکیتوں کو روکنے کی کوشش کی تو انہوں نے فائرنگ شروع کر دی،ملزمان نے ریس کورس کے علاقہ میں برطانیہ سے واپسی پر شہری تصرف محمود کو  فائرنگ کر کے قتل کر دیا تھا، 

برطانیہ پلٹ شہری کے ڈکیتی کے دوران قتل کے واقعہ پر سی پی او سید خالد ہمدانی نے نوٹس لے کر ملزمان کی گرفتاری کے لئے خصوصی ٹیمیں تشکیل دی تھیں، ملزمان کے قبضہ سے تصرف محمود کا لیپ ٹاپ، بیگ اور وارداتوں میں استعمال ہونے والا اسلحہ برآمد، ملزمان سے پولیس یونیفارم بھی برآمد ہوئے، 

گینگ ڈکیت وارداتوں کے دوران پولیس یونیفارم استعمال کرتے تھے، ملزمان نے بیرون ملک کینیڈا سے آئے ایک شہری کے ساتھ بھی واردات کی تھی،  ملزمان ایئرپورٹ پر ریکی کرتے اور بیرون ملک سے آنے والے شہریوں کو ٹارگٹ کرتے تھے،بین الصوبائی گینگ کے ارکان کراچی، لاہور، اسلام آباد، راولپنڈی سمیت دیگر علاقوں وارداتیں کرتے تھے، گینگ مختلف اضلاع میں متعدد وارداتوں میں ریکارڈ یافتہ اور چالان تھا،  ملزمان کو قبل ازیں بھی تھانہ کینٹ کے علاقے سے گرفتار کر کے چالان کیا گیا تھا،

شہریوں کی جان و مال پر حملہ کرنے والے قانون کی گرفت سے نہیں بچیں گے، سی پی او سید خالد ہمدانی 

Punjab Police Pakistan RPO Rawalpindi City Traffic Police Rawalpindi Govt of Punjab Syed Khalid Hamdani -Police Officer

Source: Rawalpindi Police

Disclaimer: The content of all articles on this site has not been strictly verified, and does not represent the views of this site, and this site does not assume legal responsibility arising therefrom.